13 maggio 1246

Uomini di Zizzanorre sono presenti alla lettura del verbale del giudice Cocurella, cui si sono rivolti i canonici monzesi nella loro lite con la comunità di Cremella

 

 

 

Biblioteca Ambrosiana, Pergamena n. 4460.

 

 

Anno dominice incarnationis millesimo ducentesimo quadragesimo sesto die dominico tertiodecimo die madii indictione quarta.

In loco Cremella in platea illius loci cum homines illius loci et castellantie et curtis illius loci de cremella convenissent in unum ad campanam more solito paulisque pulsatam ex parte domini Ambroxii Cocurelle iudicis et assessoriis domini Anrici Avocati potestatis mediolani se presentatum porrexit et dedit seu fecit omnibus infradictis hominibus infradictorum locorum quorum nomina subtus leguntur universis et singulis sue comuni et universitati istius loci de Cremella suo nomine et totius castelantie et curtis eius requirendo etiam eos de Cremella ad maiorem confirmationem ostiatim per predictum servitor et per me infrascriptum notarium et infrascriptum fratrem Martinum et presbiterum Ambroxium quod dent preceptum et quandam denuntiationem et requisitionem cuius precepti et cuius denontiationis et requisitionis tenor talis est. In nomine domini dominus archipresbiter de Modoetia et Obizo de Osa canonicus et sindicus ecclesie de Modoetia nomine dicte ecclesie conqueruntur occaxione honoris et districtus sub domino Ambroxius Cocurella iudice et assessore potestatis Mediolani de infrascriptis hominibus de loco Cremella et eius castellantia.

Item dictus assessor precipit Anselmum Prando servitor comunis Mediolani ut vadi ad partem domini archipresbiteri et ecclesie de Modoetia in loco Cremella et in locis castellantie Cremella et ad pulsatam campanam convocatis hominibus dictorum locorum et castellantie denuntiet eius universis et singulis quod causa honoris et districtus quam ecclesia de Modoetia movet contra comune et homines locorum de Cremella et eius castellantie agitur et ventilatur sub dicto assessore cui causa se opponunt nomine comunis et hominum locorum Cremelle et castellantie Ambroxius de orto et martinus de Rosa et eorum sotii sindici et procuratores comunis et hominum loci de Cremella et eius castellantie ut dicant et pretestantur si dicti Martinus et sotii sunt eorum sindici et ab eis constituiti in dicta causa et eis denontiet si vellint aliquid dicere vel oponere in predicta causa quod veniant coram dicto assessore ad definitionem faciendam tempore die iovis decimoseptimo die madii illorum de cremella et eius castellantie.

Qui requiri debent et requisiti hi sunt: in primis Martinus de Rosa et Ambroxius de Orto et Iohannes Amizonus et Iohannes Castoldus, Peratus Belincasa, Andreas Tabernarius qui dicitur Braga, Girardus Canis qui dicitur rex, Beltramus filius quondam Michelii de barzago, Martinus et Forzanus de Monte, Ianuarius Belincasa, Petrus filius quondam Obizonis Zati, Griffus Ferrarius, Robertus filius Tornaventi, Zanetus Portenarius, Beltramus et Masinus de Sozanore, Iacobus filius Bonomii, Ottorinus filius quondam Martini de orto, Paganus de Perego, Formentinus de Tornago, Brunellus et Nazarius Zati, Redulfus de Laporta qui dicitur Omeninus, Butrassus qui dicitur Bozus, Airoldus filius quondam Rolandi, de Puteo Guilielmus, Ubertus filius quondam Rogiati, Grigorius Xongia, Andellous de Fossato, Petrus filius quondam Mussi de fossato, Martinus filius quondam Arderici de Sozanore, Ardigolus filius quondam Iohannis castaldi, Guilielmus qui dicitur Muttus, Bergamus filius quondam Iohannis de Orto, Rubeus de Tornago, Tornaventus et Lafranchinus filius eius, Filipus de Puteo, Petrinus et Lonrolus et Ianuarius quidicuntur Tabernarii, Petrizolus et Arichinus de Bellono, Ubertinus filius quondam Obizonis de Puteo, Zanichellus et Senus et Zarus et Marchixius et Barberius et Guifredus filii Januarii Belincasa, in loco Bevera Iohannes et Albertus qui dicuntur Gazari, Rubeus de Bevera, Albertus de Bornone et Lenonus de Bevera, in loco Mardegore Iacobus et Iohannes de Murlano, Alegrus de Murlano, Lazarus et lafranchinus et Falla monse.. et Gambra filii quondam Aidini, Lazarus Modiuspani, Meronus filius Lazari, Lafranchetus filius Giberti, Porcella de Bornore, Zanora et Stephanus qui dicuntur Zanebelli, Gersous Zanebelli, Moneginus Zanebelli, Ardigetus Zanebelli.

Interfuerunt testes Ambroxius de Sancto Iohanne capellanus ecclesie sancti Sixini ipsius loci de Cremella et frater Martinus filius quondam Forzani Belincasa de ipso loco Cremella et frater Stephanus de brongio.

Item ipso anno mense et indictione die martis sequenti proxime quartodecimo die madii ad Panteganore ad domum ser Petri Beaque prefatus servitor se presentatum porrexit et dedit seu fecit ex parte ipsius assessoris ipsi ser Petro Beaqua et bruno eius filio presentibus suo nomine et Alberti filii illius ser Petri qui Albertus non erat presens ipsum preceptum seu ipsam denuntiationem seu interrogationem videlicet ut dicant et prestentur si dicti Martini et sotii eius sunt eorum sindici et ab eis constituiti et responderunt omnes isti homines presentes quod sic.

Interfuerunt testes Maranus filius.

Ego Guifredus notarius filius ser Bernardi Bazii de burgo Modoetia hanc cartam tradidi et scripsi.