13 febbraio 1248

Arderico de Sorexina arciprete monzese concede ad Andelloo de Fossato il villicato e il gastaldato sulla corte di Cremella. E' presente a Monza come testimone anche Beltrameto di Zizzanorre

 

 

 

Biblioteca Capitolare di Monza. 

 

Anno dominice incarnationis millesimo ducentesimo quadragesimo octavo, die mercuris tertiodecimo die februarii, indictione sexta.

In canonica de Modoetie in claustro illius ecclesie presentibus Iacobo filio quondam Rainerii de Raineriis dicti burgi de Modoetie et Beltrameto filio quondam Fidelis de Sozanore et Beltrameto filio quondam Michaelis de barzago ambi de loco Cremella testibus et ibique presentibus dominus Anselmus de Marliano et Gezo de Subinago et Oto de Buxero et Obizonum Vilanum et Manfredum de Varadeo et Lanfranchum de Malzate et Rainerium de Anzano et Maximum de Modoetia et magistrum Guillelmum de Paulle omnibus canonicis ecclesie sancti Iohannis de Modoetia consetientibus et non dissetientibus dominus Ardericus de Sorexina Dei gratia modoetiensis ecclesie archipresbiter cum baculo uno quem tenebat in manibus nomine modoetiensis ecclesie investivit Andelloum filium quondam Petri de Fossato de loco Cremella de villicatu sive gastaldiaco loci et castelantie et curte de Cremella et de omnibus que pertinent ad villicatum seu gastaldiacum.

Inter que sunt tenere causas nomine modoetiensis ecclesie et percipere et definire et redditus colligere et domos et res et fructus ista ecclesia gubernare et omnia et alia facere que ad villicatum seu gastaldiacum pertinent et pertinere consueverunt. Unde ibidem supradictus Andellous promixit obligando omnia sua bona pignori quod ad honorem Dei et modoetiensi ecclesie bona fide sine fraude regeret et faciet omnia que ad predictum villicatum seu gastaldiacum pertinent et quod bona fide defendet et manutenebit iura et res modoetiensis ecclesie et quod redditus et fructus pertinentes modoetiensis ecclesie bona fide colligeret et servabit et de his rationem plenam reddet illis ad quas pertinebunt per tempora et sic ibidem tactis sacrosanctis evangeliis iuravit supradicta facere et adimplere bona fide sine fraude et quod erit fidelis archipresbitero et canonicis et ecclesie et possessionibus et iuribus pertinentibus ad illam ecclesiam de Modoetia et quod per se non fraudabit nec dimunuet nec erit in consilium nec in auditorium nec in consensum quod aliquis minuat vel fraudet iura et res et honores pertinentes iste ecclesie, archipresbitero et canonicis et ecclesie modoetiensi seu ecclesie de Modoetia et si presenserit aliquo suo iure vel honore, quod omnibus suis viribus prohibebit et obligavit prohibere et consilium et auxilium prestabit et si non poterit prohibere infra octo diebus postquam pervenerit ad aures eius hoc indicabit domino archipresbitero et capitulo illius ecclesie et quod audiet et observabit omnia precepta unum et plura ... archipresbitero illius ecclesie vel canonicis illius ecclesie per tempora et fecerit pertinentia ad utilitatem et honorem iste ecclesie et archipresbitero et canonicorum iste ecclesie.

Ego Albertus filius quondam ser Gualtieriis Lugozie de burgo Modoetia notarius sacri palatii hanc cartam tradidi et scripsi.