1602

Visita apostolica di mons. Cipolla

 

Archivio Plebano di Missaglia

 

 

Pro Ecclesia Sanctae Brigidae Parrocchialis Casaghi

 

Decreta visitationum annorum 1571, 1583 et 1592 executioni demandetur.

Fundus et lunula Tabernaculi parvuli ex argento eoque inaurato fiat quod commodi amoveri possit.

Umbella altera decentior fiat quae mazime in processionibus solemnibus S. Sacramenti adhibeatur.

Oleo olivarum assente ante Sanctissimum Sacramentum ardeat lampas.

Ciborium altum in piramidis formam ad libelli instructionum prescriptum constructum vasi baptisterij affigatur.

Vasculis sacrorum oleorum sacculi ad formam conficiantur.

Vasa praedicta in Armario asserventur in pariete Capella maioris a parte Aquilonari concavando.

Capella septum Baptisterij e cancellis lignei saltem fiat.

Capella eadem picturis Baptismum Domini exprimentibud exornetur valvula.

Valvula fenestrae sacrarumque sera et clave claudatur.

Crucifisci Domini imago parieti supra arcum Capellae maioris affigatur.

Planum Capellae Beatae Virginis ita extollatur ut bradella Altaris tantum adsit quae ab ipso plano lateribus conficiendo extet.

Sepulchrorum ora duplici integumento contegantur.

Corporalia octo saltem adsint.

Velam calicis e serico coloris violacei comparetur.

Sacculis corporalium coloris item violacei habeatur.

Distributionem elemosinarum quae legatorum piorum causa hoc in loco fiunt absque Parochi interventu ne fiant, alioquin distributiones ipse pro non factis habeantur.