SANT'AGOSTIN A CASSAG

di Renato Beretta

 

La poesia è stata pubblicata sul Notiziario parrocchiale, anno IX, n. 10 di novembre 1983.

 

 

 

 

Per tanti l'e una favola,

per certi, l'è on vangà

in di temp indree.

L'è staa a Cassag o nò

Sant'Agostin?

 

Hann faa di studi,

scritt di liber,

mettuu in pee tan polemich

e quasi taccà lit.

 

Per quei me mi, che cred,

che de la fed per viv

ghe n'hann bisogn 'me l'aria,

liber a part,

Sant'Agostin a Cassag

l'è ona presenza.

 

E1 senti intorna,

ascolti i sò paroll per strada.

Vegnen da i mur antich

... i pocch che gh'è restaa.

 

Perfinna i piani dent in del parco,

in doe che disen stava Verecondo,

i foeui e l'erba e el fontanin

gh'hann la soa vos.

 

Me par fin de vedel

spontà foeu d'on portòn,

o girà l'angol d'ona via.

 

Semper co' in man on liber

e i oeucc all'ari

in cerca del Signòr.

 

De part del pret in Gesa,

taccà al confessionari

quand sont on poo indecis.

 

Insomma a part i stori

Sant'Agostin l'è chi,

l'è queste l sò paes !

 

L'ha lassaa chi el so coeur,

l'insegnament, tutt la soa convinzion.

L'è quest che gh'è in de l'aria

E che ciamen "tradiziòn".